Fjarnám í meiraprófi um allt land

Fjarnámskeiðin ná yfir allt land

Aktu ökuskóli býður upp á fjarnámskeið sem ná til allra landsmanna. Fjarnámskeiðin gera það mögulegt að taka námið hvar sem er á landinu. Kennslan fer fram á fjarfundum í rauntíma með kennara, á fastri stundaskrá.

Meirapróf í fjarnámi

Fjarnámskeiðin okkar í meiraprófi (aukin ökuréttindi) eru hönnuð til að hjálpa þér að ná þínum markmiðum hvort sem þú vilt öðlast réttindi til að aka vörubifreið, hópbifreið eða til farþegaflutninga (B/far).

Grunnnámið er tvær helgar og framhaldsnámið allt að tvær helgar, eftir því hvað þú vilt afla þér ökuréttinda í.

Námskeiðin eru haldin reglulega yfir árið og eru birt á heimasíðunni og í fréttakerfinu okkar.

Endurmenntun atvinnubílstjóra í fjarnámi

Endurmenntunarnámskeið fyrir atvinnubílstjóra eru einnig í boði í fjarnámi. Námskeiðin eru hönnuð til að bílstjóri búi við aukið öryggi í starfi, sé meðvitaður um öryggisreglur og bæti varnarakstur sinn.

Staðnámskeið og verkleg kennsla

Staðnámskeið eru haldin eftir þörfum og er staðsetning auglýst hverju sinni.

Verkleg kennsla og próf fara fram í Reykjavík, á Akureyri og á Sauðárkróki, og víðar ef þörf krefur.