Meirapróf

Bóklega hlutann tekur þú á fjarfundum í rauntíma með kennara eða í staðnámi. Fjarfundirnir eru á fastri stundaskrá og þú tengist hvaðan sem er af landinu.

Verkleg kennsla hefst eftir að bóklegu prófi er lokið. Fjöldi ökutíma er breytilegur eftir réttindaflokkum, en alltaf þarf að uppfylla lágmarksfjölda samkvæmt reglugerð. Náminu lýkur svo með verklegu prófi fyrir hvern flokk.

Fullt verð hvers réttindaflokks stendur á kortunum hér að ofan og öll verð innihalda bæði bóklegt og verklegt nám. Ef þú ert þegar með einhver aukin réttindi borgar þú minna, því bóklega grunnnámið og hluti sérnámsins er sameiginlegur.

Veldu réttindin sem þú hefur og þau sem þú vilt bæta við, þá reiknast þitt verð: sjá verð miðað við þín réttindi.

Já, flest stéttarfélög styrkja aukin ökuréttindi þar sem þau teljast starfsmenntun. Efling/Starfsafl greiðir allt að 180.000 kr. á ári (540.000 kr. uppsafnað). Hafðu samband við þitt stéttarfélag til að kanna möguleika.

Eldri ökuréttindi geta haft áhrif á hvaða réttindi þú þarft að bæta við. Til dæmis veita ökuréttindi útgefin frá og með 12. apríl 1960 og fyrir 1. mars 1988 almennt rétt til að aka D1-flokki, en ekki hópbifreið til farþegaflutninga í atvinnuskyni. Best er að láta yfirfara ökuskírteinið áður en þú velur námsleið.

Já, ef þú ert með gilt skyndihjálparskírteini (ekki eldra en þriggja ára) sem uppfyllir kröfur um lengd (minnst 16 kennslustundir) er hægt að fá það metið inn í námið. Framvísa þarf skírteini til staðfestingar.

Þú þarft fyrst að hafa fullgild B-réttindi. Síðan skráir þú þig á námskeið og skilar umsókn um nýtt ökuskírteini til sýslumanns fyrir hvern réttindaflokk sem þú ætlar að taka. Umsókninni þarf að fylgja heilbrigðisvottorð sem er ekki eldra en þriggja mánaða, og ljósmynd ef mynd er ekki til í kerfinu.

Ef þú fellur á bóklegu prófi þarftu að bíða í eina viku áður en þú mátt taka það aftur. Fyrir verklegt próf þarf yfirleitt 1-2 kennslustundir til viðbótar áður en próf er tekið aftur. Flestir standast við fyrstu tilraun með góðum undirbúningi.