Eftirvagnsréttindi fyrir léttari samsetningar. C1E bætist ofan á C1 og miðast við 18 ár, D1E bætist ofan á D1 og miðast við 21 árs. Námskeiðið er það sama og kostar 90.000 kr.
C1E og D1E eru kennd saman því efnið er það sama: tenging, hleðsla, hemlun og akstur með eftirvagn. Réttindin sjálf eru hins vegar aðskilin og byggja á sitt hvorum bifreiðaflokknum. Þú færð það skráð sem þú hefur grunn fyrir.
C1E leyfir þér að tengja eftirvagn yfir 750 kg aftan í vörubifreið í C1-flokki. Samanlögð leyfð heildarþyngd bifreiðar og eftirvagns má ekki fara yfir 12.000 kg. Til að fá C1E þarftu C1 og aldursmarkið er 18 ár.
D1E leyfir þér að tengja eftirvagn yfir 750 kg aftan í hópbifreið í D1-flokki. Til að fá D1E þarftu D1 og aldursmarkið er 21 árs, það sama og fyrir D1 sjálft.
Undir báðum liggur fullnaðarskírteini fyrir B-flokk, því bæði C1 og D1 gera það að skilyrði. BE réttindi eru innifalin í bæði C1E og D1E.
Grunnurinn ræður því hvort réttindin verða C1E eða D1E. Námskeiðið og verðið er það sama.
Eftirvagn aftan í C1 vörubifreið
Eftirvagn aftan í D1 hópbifreið
Bóklegi hlutinn er fjórar kennslustundir í faginu Eftirvagnar. Þar er farið yfir tengibúnað og öryggisskoðun, hleðslu og þyngdardreifingu, hemlun þegar vagn er aftan í og þau þyngdarmörk sem gilda um samsetninguna.
Verklega kennslan er fjórir ökutímar. Mesta æfingin fer í að bakka með vagn og lesa í hvað vagninn gerir þegar bifreiðin beygir. Við útvegum ökutæki og eftirvagn sem uppfylla kröfur til kennslu og prófs.
Skólaprófið kemur svo ofan á fjórar bóklegu stundirnar. Námskráin krefst lokaprófs en ætlar því engar stundir, og hjá Aktu er það ein kennslustund, 45 mínútur. Falli nemandi á því staðfesta kennararnir ekki námið.
Ekkert nýtt grunnnám fylgir. Umferðarsálfræðin, umferð og samfélag, bíltæknin og skyndihjálpin sem þú sast fyrir C1 eða D1 gilda áfram. Því er námskeiðið stutt og kostar 90.000 kr.
C1E krefst C1 og D1E krefst D1. Vanti þig grunninn þarf að taka hann fyrst.
Umsókn fer til sýslumanns fyrir þann flokk sem þú ætlar að taka, ásamt heilbrigðisvottorði sem er ekki eldra en þriggja mánaða.
Fagið Eftirvagnar er kennt á fjarfundi í rauntíma með kennara. Skólaprófið hjá Aktu er ein kennslustund og þarf að standast.
Verkleg kennsla með eftirvagni og að lokum verklegt próf hjá prófdómara Frumherja.
Nei. C1E er viðbót við C1 og verður ekki skráð án þess. Sama gildir um D1E, sem krefst D1.
Námskeiðið er sameiginlegt en C1E og D1E eru skráð sitt í hvoru lagi og hvor flokkur byggir á sínum grunni. Sá sem er aðeins með C1 fær C1E. Sá sem er með bæði C1 og D1 getur fengið bæði C1E og D1E skráð. BE réttindi eru innifalin í bæði C1E og D1E.
Með C1E má samanlögð leyfð heildarþyngd bifreiðar og eftirvagns ekki fara yfir 12.000 kg. Þú mátt aldrei draga meira en dráttargeta bifreiðarinnar leyfir, og þá tölu finnur þú í skráningarskírteininu. D1E miðast við eftirvagn yfir 750 kg aftan í D1 hópbifreið.
Nei. C1E miðast við bifreið í C1-flokki, sem fer ekki yfir 7.500 kg. Fyrir þyngri bifreið með vagn þarf CE, og á undan CE þarf full C réttindi.
Nei. 52 stunda grunnnámið sem þú sast fyrir C1 eða D1 gildir áfram. Á þessu námskeiði bætast við fjórar stundir í eftirvögnum og skólapróf sem tekur eina kennslustund.