C leyfir akstur vörubifreiða yfir 3.500 kg án efri þyngdarmarka. Aldursmarkið er 21 árs og fullnaðarskírteini fyrir B-flokk er skilyrði. Sértu þegar með C1, D eða leigubifreiðaréttindi styttist námið talsvert.
C nær yfir vörubifreiðar sem eru þyngri en 3.500 kg og hefur engin efri þyngdarmörk. Bifreiðin má vera gerð fyrir mest átta farþega auk ökumanns, og eftirvagn má fylgja sé hann ekki þyngri en 750 kg.
Munurinn á C1 og C er einfaldur. C1 stöðvast við 7.500 kg, C gerir það ekki. Í C-flokki eru þungaflutningabílarnir, steypubílar, malarbílar, sorpbílar og stórir dreifibílar. Þetta eru réttindin sem atvinnurekendur biðja oftast um þegar auglýst er eftir bílstjóra á vörubíl.
Eftirvagn yfir 750 kg aftan í C bifreið krefst CE. Það er sérstakt námskeið sem tekið er eftir að C liggur fyrir: lesa um CE réttindi.
Aldursmarkið er 21 árs. Því verður ekki breytt með fyrri réttindum. Sá sem tekur C sem viðbót við C1 er eftir sem áður 21 árs þegar réttindin eru skráð, þótt námið sé styttra.
Fullnaðarskírteini fyrir B-flokk er skilyrði fyrir C, alveg eins og fyrir C1. Bráðabirgðaskírteini dugar ekki og engin undanþága er í boði. Námið má hins vegar hefja allt að sex mánuðum áður en aldursmarkinu er náð.
Sótt er um námsheimild fyrir C hjá sýslumanni. Með umsókninni fer heilbrigðisvottorð sem er ekki eldra en þriggja mánaða. Eitt umsóknarblað þarf fyrir hvern réttindaflokk, svo ætlir þú þér bæði C og CE eru þau tvö.
Fullt C nám er 84 kennslustundir í bóklegu og sérnámi:
Þessar 84 stundir koma úr námskrá aukinna ökuréttinda og eru eins í öllum ökuskólum. Sérnámið Stór ökutæki er 32 stundir í C á móti 10 í C1, og þar liggur meginmunurinn á námunum tveimur. Hann skilar sér líka í lengri verklegri þjálfun, sem er að lágmarki 12 ökutímar með ökukennara.
Ofan á námskrárstundirnar kemur lokapróf sem ökuskólinn leggur sjálfur fyrir. Hjá Aktu er skólaprófið ein kennslustund, 45 mínútur. Því eru engar stundir ætlaðar í námskránni og það telst því ekki með í 84 stundunum. Falli nemandi á skólaprófinu staðfesta kennararnir ekki námið.
Bóklega námið tekur þú á fjarfundum í rauntíma með kennara eða í staðnámi. Tímarnir eru á fastri stundaskrá. Skriflega prófið er tekið hjá Frumherja áður en verkleg kennsla hefst.
Verðið á C ræðst af því hvaða réttindi þú hefur þegar, því bóklegar greinar sem þú hefur setið eru ekki endurteknar. Aldursmarkið, 21 árs, gildir í öllum tilvikum.
Fullt nám ofan á fullnaðarskírteini í B-flokki
Sérnámið klárað upp í fullar 32 stundir
Stysta leiðin í C
B-far á fullnaðarskírteini í B-flokki
Umsókn um C fer til sýslumanns ásamt heilbrigðisvottorði. Sýslumaður sendir námsheimildina áfram til Frumherja þegar skilyrðin eru uppfyllt.
84 kennslustundir ef þú byrjar frá grunni, færri sértu með aukin réttindi fyrir. Fjarfundir með kennara eða staðnám.
Skólaprófið hjá Aktu tekur eina kennslustund og þarf að standast áður en skriflega prófið hjá Frumherja er tekið.
Lágmark 12 ökutímar á vörubifreið. Flestir þurfa fleiri tíma en lágmarkið til að vera tilbúnir í próf.
Nei. C er sjálfstæð leið og hana má taka beint ofan á fullnaðarskírteini í B-flokki. Margir taka þó C1 fyrst því aldursmarkið þar er 18 ár og þeir vilja komast í vinnu áður en 21 árs markið næst.
Þú mátt hefja námið allt að sex mánuðum fyrir 21 árs afmælið, en ekki fyrr. Réttindin eru svo skráð þegar aldursmarkinu er náð. Styttra nám breytir aldursmarkinu ekki.
C leyfir eftirvagn að 750 kg. Þyngri vagn kallar á CE, sem er sérstakt námskeið á 175.000 kr. Sértu þegar með C1E kostar CE námskeiðið 150.000 kr.
220.000 kr. Öll bókleg fög D-námsins gilda fyrir C, líka sérnámið Stór ökutæki. Þá er aðeins skólaprófið eftir, ein kennslustund, og verklega kennslan á vörubifreið.
Flest stéttarfélög styrkja aukin ökuréttindi þar sem þau teljast starfsmenntun. Upplýsingar um einstaka félög eru á síðunni um styrki frá stéttarfélögum.