Tapið ekki atvinnuréttindum að óþörfu!

Að undanförnu hafa staðið yfir endurmenntunarnámskeið fyrir atvinnubifreiðastjóra hjá AKTU ökuskóla en nýlega voru gerðar breytingar hér á landi sem kveða á um að atvinnubifreiðastjórar skuli hafa lokið slíkum námskeiðum til að fá endurnýjuð atgvinnuréttindi sín á fimm ára fresti. Þessar kröfur hafa nú tekið að fullu gildi og það þýðir að þeir bifreiðastjórar sem ekki hafa lokið fimm námskeiðum eiga á hættu að verða sviptir atvinnuréttindum sínum til aksturs fyrirvaralaus verði þeir stöðvaðir í reglubundnu eftirliti á vegum úti. Slíkt hefur gerst á undanförnum vikum og mánuðum og hefur vitanlega í för með sér mikil óþægindi fyrir bæði viðkomandi bifreiðastjóra og atvinnurekanda.

Ljúka skal fimm námskeiðum
Til nánari útskýringar þurfa atvinnubifreiðastjórar að ljúka fimm námskeiðum til að fá endurnýjun atvinnuréttinda sinna. Allir þurfa þeir að taka þrjú kjarnanámskeið, þ.e. vistakstur - öryggi í akstri, lög og reglur og umferðaröryggi - bíltækni. Síðan eru tvö valkjarnanámskeið, þ.e. farþegaflutningar og vöruflutningar. Loks eru í boði tvö valnámskeið hjá AKTU ökuskóla, þ.e. skyndihjálp og námkeiðið fagmennska og mannlegi þátturinn.

Reglubundnin námskeið að fyllast
Fjöldi atvinnubifreiðastjóra á Norðurlandi og á höfuðborgarsvæðinu hefur sótt námskeiðin hjá AKTU ökuskóla síðustu mánuði og enn er laust á námskeið í vöruflutningum hjá skólanum þann 20. janúar en fullbókuð á önnur endurmenntunarnámskeið í mánuðinum. Þeim sem enn eiga eftir að ljúka þessu námskeiði er bent á að sækja hér um þátttöku meðan laus pláss eru. Smellið hér.

Enn hægt að bregðast við
Ljóst er að fjöldamargir sem hafa aukin ökuréttindi hafa enn ekki lokið námskeiðunum og geta því ekki nýtt sér þessi réttindi sín í atvinnuskyni, þurfi þeir á að halda. Vert er að undirstrika að krafan um endurmenntunarnámskeiðin á við um alla atvinnubifreiðastjóra með aukin ökuréttindi, hvort heldur þeir hafa atvinnuakstur að fullu starfi eða að hluta. AKTU ökuskóli mun taka við umsóknum um námskeið og efna svo fljótt sem verða má til slíkra ef næg þátttaka fæst. Bifreiðastjórar eru því eindregið hvattir til að bregðast strax við, skoða stöðu sína og sækja um hér á heimasíðunni eða senda fyrirspurn til okkar á netfangið aktuokuskoli@simnet.is